ಉತ್ತಮ ಸಮಾಜದ ನಿರ್ಮಾಣಕ್ಕಾಗಿ ಆಶಿಫ್ (ರಾಜು) ಸೇಠ್ ಫೌಂಡೇಶನ..
ಬೆಳಗಾವಿ ನಗರವನ್ನು ಡ್ರಗ್ಸ್ ಮುಕ್ತವಾಗಿ ಮಾಡಬೇಕು..
ಬಡ ಹೆಣ್ಣುಮಕ್ಕಳ ಶಿಕ್ಷಣ ಮತ್ತು ಸರ್ವರಿಗೆ ಆರೋಗ್ಯ ಸೌಲಭ್ಯದ ಗುರಿಯ ಫೌಂಡೇಶನ..
ಶಾಸಕ ಆಶೀಫ್ (ರಾಜು) ಸೇಠ್..
ಬೆಳಗಾವಿ : ನಗರದಲ್ಲಿನ ಯುವ ಸಮೂಹ ಡ್ರಗ್ ಜಾಲಕ್ಕೆ ಬಲಿಯಾಗಿ, ಮಾದಕ ವಸ್ತು ಸೇವನೆಯ ನಶೆಯಲ್ಲಿ ಅದಕ್ಕೆ ದಾಸರಾಗಿ ಇಡೀ ಸಮಾಜವನ್ನೇ ಹಾಳು ಮಾಡುವಂತಹ ವಾತಾವರಣ ನಿರ್ಮಾಣವಾಗುತ್ತಿದ್ದು, ಆ ಕೆಟ್ಟ ಪರಿಸ್ಥಿತಿಯನ್ನು ಹೋಗಲಾಡಿಸಲು ಬೆಳಗಾವಿಯಲ್ಲಿ “ಆಶಿಫ್ (ರಾಜು) ಸೇಠ್ ಫೌಂಡೇಶನ್” ಅನ್ನು ಪ್ರಾರಂಭ ಮಾಡುತ್ತಿರುವೆವು ಎಂದು ಬೆಳಗಾವಿಯ ಉತ್ತರ ಮತಕ್ಷೇತ್ರದ ಶಾಸಕರಾದ ಆಶಿಫ್ (ರಾಜು) ಸೇಠ್ ಹೇಳಿದ್ದಾರೆ.
ಶನಿವಾರ ದಿನಾಂಕ 11/01/2025 ರಂದು ನಗರದ ತಮ್ಮ ಕಚೇರಿಯಲ್ಲಿ ಸುದ್ದಿಗೋಷ್ಠಿ ಕರೆದು ಮಾತನಾಡಿದ ಶಾಸಕರು, ಬೆಳಗಾವಿ ನಗರದಲ್ಲಿ ಡ್ರಗ್ಸ್ ತಗೆದುಕೊಳ್ಳುವ ಯುವಸಮೂಹದ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿದ್ದು, ಇದು ಕಳವಳದ ಸಂಗತಿಯಾಗಿದೆ, ಇದನ್ನು ನಿಯಂತ್ರಿಸಲು ಹಾಗೂ ನಗರವನ್ನು ಡ್ರಾಗ್ಸ್ ಮುಕ್ತ ಮಾಡಲು, ಅದೇ ರೀತಿ ಹೆಣ್ಣು ಮಕ್ಕಳ ಶಿಕ್ಷಣಕ್ಕೆ ಪ್ರೋತ್ಸಾಹ ನೀಡಲು, ಸರ್ವರಿಗೂ ಆರೋಗ್ಯ ಸೌಲಭ್ಯ ನೀಡುವ ನಿಟ್ಟಿನಲ್ಲಿ ನಮ್ಮ ಈ ಫೌಂಡೇಶನ್ ಅನ್ನು ಸ್ಥಾಪನೆ ಮಾಡಿದ್ದೇವೆ ಎಂಬ ಮಾಹಿತಿ ನೀಡಿದ್ದಾರೆ..
ಮುಖ್ಯವಾಗಿ, ಡ್ರಗ್ಸ್ ವ್ಯಸನೀಗಳಿಗೆ, ದಾಸರಾದ ಯುವಕರಿಗೆ ವಿಶೇಷ ಮಾರ್ಗದರ್ಶನ ಮಾಡಬೇಕು, ಅವರಿಗಾಗಿ ವಿಶೇಷ ಕಾರ್ಯಾಗಾರ ನಡೆಸಬೇಕು, ಅಧಿಕ ವ್ಯಸಣಿ ಆದವರಿಗೆ ವ್ಯಸನ ಮುಕ್ತ ಕೇಂದ್ರ ಮಾಡಬೇಕು ಎನ್ನುವದು ನಮ್ಮ ಟ್ರಸ್ಟಿನ ಯೋಜನೆಯಾಗಿದೆ, ಅದರ ಜೊತೆಗೆ ಸಮಾಜದಲ್ಲಿ ಬಡ ಹೆಣ್ಣು ಮಕ್ಕಳ ಶಿಕ್ಷಣಕ್ಕೆ ಪ್ರೋತ್ಸಾಹ ನೀಡುವ, ಅವರಿಗೆ ಗುಣಮಟ್ಟದ ಶಿಕ್ಷಣ ಪಡೆಯಲು ಸಹಕಾರ ಮಾಡುವದು ನಮ್ಮ ಫೌಂಡೇಶನ್ನಿನ ಉದ್ದೇಶವಾಗಿದೆ.
ಅದರ ಜೊತೆಗೆ ಅನೇಕ ಬಡ ಮಾಧ್ಯಮ ವರ್ಗದ ಜನರಿಗೆ ಉತ್ತಮ ಆರೋಗ್ಯ ಸೌಲಭ್ಯ ನೀಡಲು ಅನೇಕ ಯೋಜನೆ ಹಾಕಿಕೊಂಡಿದ್ದೇವೆ, ಸರ್ಕಾರದ ಅನೇಕ ವೈದ್ಯಕೀಯ ಸೌಲಭ್ಯಗಳ ಮಾಹಿತಿ ನೀಡಿ, ಅವುಗಳ ಪ್ರಯೋಜನೆ ಜನರಿಗೆ ದೊರಕುವಂತೆ ಮಾಡುವದು, ಒಂದು ವೇಳೆ ಸರ್ಕಾರದ ಸೌಲಭ್ಯ ದೊರೆಯದ ಪಕ್ಷದಲ್ಲಿ ನಮ್ಮ ಸಂಸ್ಥೆಯಿಂದ ವೈದ್ಯಕೀಯ ನೆರವು ನೀಡುತ್ತೇವೆ, ಇದರಲ್ಲಿ ರಾಜಕೀಯ ಏನು ಇಲ್ಲಾ, ನಮ್ಮ ತಂದೆಯವರ ಕಾಲದಿಂದಲೂ ನಮ್ಮಿಂದ ಸಮಾಜಸೇವೆ ನಡೆದುಬಂದಿದೆ ಎಂದಿದ್ದಾರೆ.
ಈ ನಮ್ಮ ಟ್ರಸ್ಟಿಗೆ ಸರ್ಕಾರದಿಂದಾಗಲಿ ಅಥವಾ ಯಾವುದೇ ವ್ಯಕ್ತಿ, ಸಂಘ ಸಂಸ್ಥೆಗಳಿಂದಾಗಲಿ ಏನೂ ಸಹಾಯವನ್ನು ಪಡೆಯುತ್ತಿಲ್ಲ, ಏನೇ ಬಂದರು ನಮ್ಮ ಫೌಂಡೇಶನ್ ಕಡೆಯಿಂದ ನಾವೇ ಎಲ್ಲವನ್ನು ಭರಿಸುತ್ತೇವೆ, ಆದರೆ ಎಲ್ಲರ ಸಹಕಾರ ಪ್ರೋತ್ಸಾಹ ನಮ್ಮ ಈ ಆಶಿಫ್ (ರಾಜು) ಸೇಠ್ ಫೌಂಡೇಶನಗೆ ಇರಬೇಕು ಎಂದು ಕೇಳಿಕೊಂಡಿದ್ದಾರೆ..
ವರದಿ ಪ್ರಕಾಶ್ ಬಸಪ್ಪ ಕುರಗುಂದ..