“ನಮ್ಮ ರಕ್ಷಕ” ಹಾಗೂ “ಬಹುದೊಡ್ಡ ಪ್ರಶ್ನೆ” ಕೃತಿಗಳ ಬಿಡುಗಡೆ..
ಸೈನಿಕರ ಕುರಿತಾದ ಕೃತಿಗಳ ಪ್ರಕಟಣೆ ಮಾಡುವದು ಸಂತೋಷ ಮತ್ತು ಹೆಮ್ಮೆ ಎನಿಸುತ್ತದೆ..
ಶಿವು ನಂದಗಾವಿ, ಮಾಲೀಕರು ಶಿವಾ ಅಪಸೆಟ್ ಪ್ರಿಂಟರ್ಸ್ ಬೆಳಗಾವಿ..
ಬೆಳಗಾವಿ : ಡಾ. ಸುನೀಲ ಪರೀಟ ಅವರು ಸಂಪಾದಿಸಿದ ಸೈನಿಕರ ಕುರಿತಾಗಿ ‘ನಮ್ಮ ರಕ್ಷಕ’ ಕವನ ಸಂಕಲನ ಹಾಗೂ ಅವರ ಸ್ವರಚಿತ ‘ಬಹುದೊಡ್ಡ ಪ್ರಶ್ನೆ’ ಕವನ ಸಂಕಲನಗಳು ಬೆಳಗಾವಿಯ ಕನ್ನಡ ಸಾಹಿತ್ಯ ಭವನದಲ್ಲಿ ರವಿವಾರದಂದು ಲೋಕಾರ್ಪಣೆ ಮಾಡಲಾಯಿತು.
ಕಾರ್ಯಕ್ರಮದ ಅಧ್ಯಕ್ಷರಾದ ಸ. ರಾ. ಸುಳಕೂಡೆ ಅವರು ಮಾತನಾಡಿ ನಮ್ಮ ರಕ್ಷಕ ಇದೊಂದು ಸೈನಿಕರಗೋಸ್ಕರ ರಚಿಸಿರುವ ಅತ್ಯದ್ಭುತ ಕೃತಿ ಇದರಲ್ಲಿ ಸೈನಿಕರಿಗೆ ಶಬ್ದ ಸುಮಾನಗಳು ಅರ್ಪಿತಗೊಂಡಿವೆ, ‘ಬಹುದೊಡ್ಡ ಪ್ರಶ್ನೆ’ ಇದು ಆಧುನಿಕ ಯಾಂತ್ರಿಕ ಯುಗದಲ್ಲಿ ಜೀವಿಸುತ್ತಿರುವ ಮನುಷ್ಯನಿಗೆ ದಾರಿದೀಪವಾಗಲಿದೆ ಎಂದರು..
ನಮ್ಮ ರಕ್ಷಕ ಕೃತಿಯನ್ನು ಬಿಡುಗಡೆಗೊಳಿಸಿ ಮಾತನಾಡಿದ ಕನ್ನಡ ಸಾಹಿತ್ಯ ಪರಿಷತ್ತು ಬೆಳಗಾವಿ ಜಿಲ್ಲೆಯ ಅಧ್ಯಕ್ಷರಾದ ಮಂಗಲಾ ಮೆಟಗುಡ್ಡ ಅವರು ನಾನು ನೋಡಿದ ಹಾಗೆ ಇದು ಸೈನಿಕರಗೋಸ್ಕರ ಬಂದಿರುವ ಪ್ರಪ್ರಥಮ ಕವನ ಸಂಕಲನ, ನಿಜಕ್ಕೂ ಇದು ಸಾಹಿತ್ಯ ಜಗತ್ತಿನಲ್ಲಿ ಸಂಚಲನವನ್ನು ಮೂಡಿಸುತ್ತದೆ ಎಂದಿದ್ದಾರೆ..
ಕವಿಗಳ ಕವನಗಳ ಮೂಲಕ ಸೈನಿಕರ ಮಹತ್ವವನ್ನು ಇಡೀ ಸಮಾಜಕ್ಕೆ ಸಾರುತ್ತಿವೆ, ಕವಿತೆಗಳು ಸೈನಿಕರ ಕುರಿತು ಕೃತಜ್ಞತಾ ಭಾವವನ್ನು ವ್ಯಕ್ತಪಡಿಸುತ್ತಿವೆ, ಕೃತಿ ಪರಿಚಯವನ್ನು ಮಾಡುತ್ತಾ ನಾಗೇಶ್ ನಾಯಕ ಅವರು ಮಾತನಾಡಿ ಆಧುನಿಕತೆಯ ಯುಗದಲ್ಲಿ ನೈತಿಕತೆಯನ್ನು ಬೆಂಬಲಿಸುವ ಕವಿತೆಗಳು ಇಲ್ಲಿ ಓದಲು ಸಿಗುತ್ತವೆ. ಈ ಕೃತಿಗಳ ಮಾನವ ಜೀವನಕ್ಕೆ ದಾರಿದೀಪವಾಗಲಿದೆ. ಜನಪದೀಯ ಸಾಹಿತ್ಯದ ಸೊಬಗು ಇಲ್ಲಿ ಕಾಣತೊಡಗಿದೆ.
ಶಿವ ಅಪ್ ಸೆಟ್ ಪ್ರಿಂಟರ್ಸ್ ಮತ್ತು ಪಬ್ಲಿಷರ್ಸ್ ಮಾಲೀಕರಾದ ಡಾ. ಶಿವು ನಂದಗಾಂವ ಅವರು ಮಾತನಾಡಿ ಇಂತಹ ಅದ್ಭುತ ಕೃತಿಗಳನ್ನು ಪ್ರಕಟಣೆ ಮಾಡುವಾಗ ನಮಗೆ ತುಂಬಾ ಹೆಮ್ಮೆ ಎನಿಸುತ್ತದೆ ಎಂದು ಹೇಳಿದರು. ಮುಖ್ಯ ಅತಿಥಿಗಳಾಗಿ ಬೆಳಗಾವಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಮಾಜಿ ಅಧ್ಯಕ್ಷರಾದ ಮೋಹನ ಬಸನಗೌಡ ಪಾಟೀಲ, ಪಾರ್ವತಿ ಗುರುದೇವ್ ಅಂಬಲಿ, ಎಂ. ವೈ. ಮೆಣಸಿನಕಾಯಿ ಅವರು ಉಪಸ್ಥಿತರಿದ್ದರು. ಲೇಖಕರ ನುಡಿಯನ್ನು ಆಡುತ್ತಾ ಡಾ.ಪರೀಟ ಅವರು ಸಾಹಿತ್ಯವು ನಿಂತ ನೀರಲ್ಲ ಅದು ನದಿಯಂತೆ ಯಾವತ್ತು ನಿರಂತರವಾಗಿ ಹರಿಯುತ್ತದೆ. ಸಾಹಿತ್ಯದಲ್ಲಿ ನವನವೀನ ಪ್ರಯೋಗಗಳು ಆಗುತ್ತಿರುತ್ತವೆ. ಸಾಹಿತ್ಯವು ಸಮಾಜದ ಹಿತಕ್ಕಾಗಿ ಈ ರಾಷ್ಟ್ರದ ಹಿತಕ್ಕಾಗಿ ಮೂಡಿ ಬಂದರೆ ಸಾರ್ಥಕತೆ ಹೊಂದುತ್ತದೆ ಎಂದು ಹೇಳಿದರು.
ಕಾರ್ಯಕ್ರಮದಲ್ಲಿ ನಮ್ಮ ರಕ್ಷಕ ಕವನ ಸಂಕಲನದಲ್ಲಿ ಕವಿತೆಗಳನ್ನು ಬರೆದ ಕವಿಗಳಿಗೆ ಪ್ರಶಸ್ತಿ ಪತ್ರ, ಸ್ಮರಣಿಕೆ, ಪುಸ್ತಕಗಳನ್ನು ಹಾಗೂ ಶಾಲನ್ನು ಹೊದಿಸಿ ಸನ್ಮಾನಿಸಲಾಯಿತು. ಕಾರ್ಯಕ್ರಮದ ವಿಶೇಷತೆ ಎಂದರೆ ಸಿದ್ದಪ್ಪ ಗೊಡಚಿ, ಚನ್ನಬಸಪ್ಪ ಬಳಗಾರ ಮಾಜಿ ಸೈನಿಕರನ್ನು ವಿಶೇಷವಾಗಿ ಸನ್ಮಾನಿಸಲಾಯಿತು.
ಕಾರ್ಯಕ್ರಮದಲ್ಲಿ ರಾಜ್ಯದ ಅನೇಕ ಜಿಲ್ಲೆಗಳಿಂದ ಕವಿಗಳು ಸಾಹಿತ್ಯಾಸಕ್ತರು ಉಪಸ್ಥಿತರಿದ್ದು, ಕಾರ್ಯಕ್ರಮವನ್ನು ಪ್ರೊ. ಮಂಜುನಾಥ ಕಲಾಲ ಅವರು ನಿರೂಪಿಸಿದರು, ಡಾ. ಸುನೀಲ ಪರೀಟ ಅವರು ಸ್ವಾಗತಿಸಿದರು, ಎಂ.ವೈ. ಮೆಣಸಿನಕಾಯಿ ಅವರು ವಂದಿಸಿದರು.
ವರದಿ ಪ್ರಕಾಶ ಬಸಪ್ಪ ಕುರಗುಂದ..