ನಗರದ ಸರ್ವಾಂಗೀಣ ಅಭಿವೃದ್ಧಿಗಾಗಿ 2025-26ನೆ ಸಾಲಿನ ಪಾಲಿಕೆಯ ಬಜೆಟ್ ಮಂಡನೆ.
ವಿರೋಧ ಪಕ್ಷದವರೂ ಬಹೂಪರಾಗ ಎಂದ ಬಿಜೆಪಿ ಮಂಡಿಸಿದ ಆಯವ್ಯಯ ಪತ್ರ..
ನೇತ್ರಾವತಿ ವಿನೋದ ಭಾಗವತ, ಪಾಲಿಕೆಯ ತೆರಿಗೆ ಮತ್ತು ಹಣಕಾಸು ಸ್ಥಾಯಿ ಸಮಿತಿಯ ಅಧ್ಯಕ್ಷರು.
ಬೆಳಗಾವಿ : ಬೆಳಗಾವಿ ಮಹಾನಗರ ಪಾಲಿಕೆಯ 2025-26 ನೇ ಸಾಲಿನ ಅಂದಾಜು ಆಯವ್ಯಯ ಪತ್ರವನ್ನು ಶನಿವಾರ ದಿನಾಂಕ 01/03/2025ರಂದು ಪಾಲಿಕೆಯ ವಿಶೇಷ ಸಭೆಯಲ್ಲಿ ಮಂಡಿಸಲಾಗಿದ್ದು, ಇದು ಎಲ್ಲರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು, ನಗರದ ಸರ್ವಾಂಗೀಣ ಅಭಿವೃದ್ಧಿಗಾಗಿ ಮಂಡಿಸಿದ ಬಜೆಟ್ ಆಗಿದ್ದು, ವಿರೋಧ ಪಕ್ಷದವರೂ ಕೂಡಾ ಈ ಬಜೆಟ್ ಕುರಿತಾಗಿ ಯಾವುದೇ ವಾದ ವಿವಾದ ಮಾಡದೇ, ಒಪ್ಪಿರುವಂತಹ ಉತ್ತಮ ಬಜೆಟ್ ಎಂದು ಪಾಲಿಕೆಯ ತೆರಿಗೆ ಮತ್ತು ಹಣಕಾಸು ಸ್ಥಾಯಿ ಸಮಿತಿಯ ಅಧ್ಯಕ್ಷರಾದ ನೇತ್ರಾವತಿ ವಿನೋದ ಭಾಗವತ ಅವರು ತಿಳಿಸಿದ್ದಾರೆ.
ಪಾಲಿಕೆಯ ಬಜೆಟ್ ಮಂಡನೆ ಈ ವಿಶೇಷ ಸಭೆಯ ಅಧ್ಯಕ್ಷತೆಯನ್ನು ಉಸ್ತುವಾರಿ ಮಹಾಪೌರರಾದ ಸವಿತಾ ಕಾಂಬಳೆ ಅವರು ವಹಿಸಿದ್ದು, ಪ್ರಶಕ್ತ ವರ್ಷದ ಪಾಲಿಕೆಯ ಅಂದಾಜು ಆದಾಯ 44, 199, 43 ಲಕ್ಷಗಳಷ್ಟಿದ್ದು, ವೆಚ್ಚ 44, 189, 08 ಲಕ್ಷಗಳ ನಿರೀಕ್ಷೆಯಲ್ಲಿದ್ದು, 10, 35 ಲಕ್ಷಗಳಷ್ಟು ಉಳಿತಾಯದ ಆಯವ್ಯಯ ಪತ್ರವನ್ನು ಮಂಡಿಸಲಾಗಿದೆ.
ಪಾಲಿಕೆಯ ವಿಶೇಷ ಸಭೆಯ ಶನಿವಾರ 2025-26ರ ಬಜೆಟ್ ಅನ್ನು ಸರ್ವಾನುಮತದಿಂದ ಅಂಗೀಕರಿಸಿದ್ದು , ತೆರಿಗೆ, ಹಣಕಾಸು ಮತ್ತು ಮೇಲ್ಮನವಿಗಳ ಸ್ಥಾಯಿ ಸಮಿತಿಯ ಅಧ್ಯಕ್ಷರಾದ ನೆತ್ರಾವತಿ ವಿನೋದ್ ಭಗವತ್ ಅವರು ಕಾರ್ಯಸೂಚಿಯನ್ನು ಓದಿದ್ದು, ನಂತರ ಅದರ ಸಂಕ್ಷಿಪ್ತ ಮಾಹಿತಿಯನ್ನು ಹಂಚಿಕೊಂಡಿದ್ದರ ಜೊತೆಗೆ ತಾವು ಮಂಡಿಸಿದ ಬಜೆಟ್ ಬಗ್ಗೆ ಉತ್ತಮ ಸಮರ್ಥನೆ ಮಾಡಿಕೊಂಡಿದ್ದಾರೆ.
ಪಾಲಿಕೆಯು 16 ನೇ ಹಣಕಾಸು ಆಯೋಗದಿಂದ 20 ಕೋಟಿ ರೂ. ಪಾಲಿಕೆಯು ಆಸ್ತಿ ತೆರಿಗೆಯಿಂದ 78.08 ಕೋಟಿ ರೂ.ಗಳ ಸಂಗ್ರಹ, ಕಟ್ಟಡ ಪರವಾನಗಿ ಅಭಿವೃದ್ಧಿ ಶುಲ್ಕದಿಂದ 10.03 ಕೋಟಿ ರೂ., ಭಗ್ನಾವಶೇಷ ತೆಗೆಯುವಿಕೆಯಿಂದ 1.85 ಕೋಟಿ ರೂ, ಪಾಲಿಕೆಯ ಖಾಲಿ ಭೂಮಿಯನ್ನು ಮಾರಾಟದಿಂದ 10.5 ಕೋಟಿ ರೂ. ಎಸ್‌ಎಫ್‌ಸಿ ಪವರ್ ಅನುದಾನದಿಂದ 52 ಕೋಟಿ ರೂ. ಕೇಬಲ್ ಸ್ಥಾಪನೆಗೆ ಸಂಬಂಧಿಸಿದಂತೆ ಹೆಸ್ಕೊಮ್ನಿಂದ 17 ಕೋಟಿ ರೂ.ಗಳ ಆದಾಯವನ್ನು ನಿರೀಕ್ಷಿಸಲಾಗಿದೆ.
ಪಾಲಿಕೆಯು ಘನತ್ಯಾಜ್ಯ ನಿರ್ವಹಣೆಯಿಂದ 9.75 ಕೋಟಿ ರೂ, ಆಸ್ತಿಗಳ ನೋಂದಣಿಗಾಗಿ ನೋಂದಣಿ ಇಲಾಖೆಯಿಂದ ದೃಢೀಕರಣ ಶುಲ್ಕವಾಗಿ ಪಾಲಿಕೆಯು 1.1 ಕೋಟಿ ರೂ.
ಪ್ರತಿ ತಿಂಗಳು, ಪೌರ ಕಾರ್ಮಿಕರಿಗೆ 2,000 ರೂ.ಗಳನ್ನು ಕಷ್ಟ ಭತ್ಯೆಯಾಗಿ ನೀಡಲಾಗುತ್ತದೆ, ಇದರ ಮೌಲ್ಯ 2.5 ಕೋಟಿ ರೂ., ಮತ್ತು ದಿನಕ್ಕೆ 35 ರೂ. ಉಪಾಹಾರ ಭತ್ಯೆಯನ್ನು ನೀಡಲಾಗುತ್ತದೆ, ಇದಕ್ಕಾಗಿ 1.5 ಕೋಟಿ ರೂ. ಬೆಳಗಾವಿಯನ್ನು ಸ್ವಚ್ಛವಾದ ನಗರವನ್ನಾಗಿ ಮಾಡಲು ಹೊರಗುತ್ತಿಗೆ ಆಧಾರದಲ್ಲಿ ಸ್ವಚಗೊಳಿಸುವ ವೆಚ್ಚಕ್ಕಾಗಿ 29.32 ಕೋಟಿ ರೂ.ಗಳ ವೆಚ್ಚವನ್ನು ಭರಿಸಲು ಪಾಲಿಕೆಯು ನಿರ್ಧರಿಸಿದೆ.
ವೈಜ್ಞಾನಿಕ ಘನತ್ಯಾಜ್ಯ ವಿಲೇವಾರಿಗಾಗಿ ಒಟ್ಟು 4 ಕೋಟಿ ರೂ. ಬೀದಿ ನಾಯಿಗಳ ನಿರ್ವಹಣೆಗೆ 75 ಲಕ್ಷ ರೂ. ಕುಡಿಯುವ ನೀರು ಸರಬರಾಜು ಅಭಿವೃದ್ಧಿಗೆ 1.57 ಕೋಟಿ ರೂ.
ಬಂಡವಾಳ ವೆಚ್ಚಕ್ಕೆ ಸಂಬಂಧಿಸಿದಂತೆ, ಹೊಸ ರಸ್ತೆಗಳ ನಿರ್ಮಾಣಕ್ಕಾಗಿ 5 ಕೋಟಿ ರೂ., ಸಿಸಿ ರಸ್ತೆಗಳ ನಿರ್ಮಾಣಕ್ಕೆ 1 ಕೋಟಿ ರೂ., ಚರಂಡಿಗಳ ನಿರ್ಮಾಣಕ್ಕೆ 4 ಕೋಟಿ ರೂ., ಮತ್ತು ಪಾಲಿಕೆಯ ವ್ಯಾಪ್ತಿಯಲ್ಲಿ ಗದ್ದೆ ಪ್ರದೇಶಗಳ ಸಂರಕ್ಷಣೆಗೆ 1 ಕೋಟಿ ರೂ. 58 ವಾರ್ಡ್‌ಗಳಲ್ಲಿ ವಿವಿಧ ಮೂಲಸೌಕರ್ಯ ಸೌಲಭ್ಯಗಳಿಗಾಗಿ ಒಟ್ಟು 27 ಕೋಟಿ ರೂ. ಉದ್ಯಾನವನಗಳ ಅಭಿವೃದ್ಧಿಗೆ 3.2 ಕೋಟಿ ರೂ., ನಾಯಿ ಆಶ್ರಯಕ್ಕಾಗಿ 20 ಲಕ್ಷ ರೂ. ಮೀಸಲಿಡಲಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ.
ಹಿರಿಯ ನಗರ ಸೇವಕರಾದ ಹನುಮಂತ ಕೊಂಗಾಲಿ ಅವರು ಮಾತನಾಡಿ, ಬೆಳಗಾವಿ ನಗರದ ಸರ್ವಾಂಗೀಣ ಅಭಿವೃದ್ಧಿಗೆ ಬಜೆಟ್ ಸಿದ್ಧಪಡಿಸಲಾಗಿದೆ, ನಾಗರಿಕರ ಸೌಲಭ್ಯಗಳ ಎಲ್ಲಾ ವಿಭಾಗಗಳನ್ನು ಗಮನದಲ್ಲಿಟ್ಟುಕೊಂಡು, ಎಲ್ಲರ ವಿಶ್ವಾಸವನ್ನು ಪಡೆದುಕೊಂಡು ಈ ಮುಂಗಡ ಪತ್ರವನ್ನು ಮಾಡಲಾಗಿದೆ ಎಂದು ಹೇಳಿದರು. ನಗರ ಸೇವಕರಾದ ರಮೇಶ್ ಸೊಂಟಕ್ಕಿ, ಗಿರೀಶ್ ನಶಿಪುಡಿ, ಮುಜಾಮಿಲ್ ಡೊನಿ, ಗಿರೀಶ್ ಧೊಂಗಡಿ, ಮತ್ತು ರವಿ ಧೋತ್ರೆ ಈ ಚರ್ಚೆಯಲ್ಲಿ ಭಾಗವಹಿಸಿದ್ದರು. ಮಹಾನಗರ ಪಾಲಿಕೆಯ ಆಯುಕ್ತರಾದ ಶುಭ ಬಿ ಮತ್ತು ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.
ವರದಿ ಪ್ರಕಾಶ ಬಸಪ್ಪ ಕುರಗುಂದ..