ವಾರ್ಡ ಸಂಖ್ಯೆ 29ರ ಹಿಂದವಾಡಿಯ ಸರ್ವಿಸ್ ರಸ್ತೆಯ ಸುಧಾರಣೆ..
70 ವರ್ಷಗಳಿಂದ ಇದ್ದ ಸಮಸ್ಯೆ ಪರಿಹರಿಸಿದ ನಗರ ಸೇವಕ ನಿತಿನ್ ಜಾಧವ..
ಬೆಳಗಾವಿ : ಮಹಾನಗರ ಪಾಲಿಕೆಯ ವಾರ್ಡ್ ಸಂಖ್ಯೆ 29ರ ಹಿಂದವಾಡಿ ಕ್ರಾಸ್ ನಂ.4 ಮತ್ತು 5ರ ಸರ್ವೀಸ್ ರಸ್ತೆಯಲ್ಲಿ ಬಹಳ ವರ್ಷಗಳಿಂದ ಅಸ್ವಚ್ಛತೆಯ ವಾತಾವರಣ ಇದ್ದಿದ್ದು, ಅಲ್ಲಿ ಪಾಲಿಕೆಯ ಕಡೆಯಿಂದ, ನಗರ ಸೇವಕ ನಿತಿನ್ ಜಾಧವ ಅವರ ನೇತೃತ್ವದಲ್ಲಿ ಸರ್ವಿಸ್ ರಸ್ತೆಯನ್ನು ಸ್ವಚ್ಛಗೊಳಿಸಿ ಫೇವರ್ಸ್ ಹಾಕಿ ರಸ್ತೆಯನ್ನು ಸುಧಾರಣೆ ಮಾಡಲಾಗಿದೆ.
ಡಾಂಬರು ಹಾಕುವಂತೆ ಸ್ಥಳೀಯ ನಿವಾಸಿಗಳ ಮನವಿಯನ್ನು ಗಮನಿಸಿದ ಕಾರ್ಪೊರೇಟರ್ ನಿತಿನ್ ಜಾಧವ್ ಅವರು ಪ್ರಯತ್ನಿಸಿ ಪಾಲಿಕೆಯ ಅಭಿವೃದ್ಧಿ ಅನುದಾನದಡಿಯಲ್ಲಿ ಭಂಗಿಬೋಳದಲ್ಲಿ ಪೇವರ್ಸ್ ಅಳವಡಿಸಿ ಉತ್ತಮ ರಸ್ತೆಯ ಅನುಕೂಲ ಮಾಡಿಕೊಟ್ಟಿದ್ದು, ಇದರಿಂದ ಕಳೆದ 70 ವರ್ಷಗಳ ಸಮಸ್ಯೆ ಬಗೆಹರಿದಿದೆ ಎಂದು ಸ್ಥಳೀಯ ನಾಗರಿಕರು ಸಂತಸ ವ್ಯಕ್ತಪಡಿಸಿದರು.
ಕಳೆದ ಕೆಲ ವರ್ಷಗಳಿಂದ ಹಿಂದವಾಡಿಯ 4 ಮತ್ತು 5ನೇ ಕ್ರಾಸ್ನಲ್ಲಿರುವ ಸರ್ವಿಸ್ ರಸ್ತೆ ಕಸದ ಸಾಮ್ರಾಜ್ಯವೆಂಬಂತೆ ಕಾಣುತ್ತಿತ್ತು, ಕಳೆದ 70 ವರ್ಷಗಳಿಂದ ಈ ಸಮಸ್ಯೆ ಮುಂದುವರಿದಿತ್ತು, ಆದರೆ ಕಾರ್ಪೊರೇಟರ್ ನಿತಿನ್ ಜಾಧವ್ ಅವರು ನಿರಂತರವಾದ ಪ್ರಯತ್ನದಿಂದ ಅಂತಿಮವಾಗಿ ಪೇವರ್ಗಳನ್ನು ಅಳವಡಿಸಿ ಹೊಸ ರಸ್ತೆಯ ನಿರ್ಮಾಣಕ್ಕೆ ಸಹಕರಿಸಿದ್ದಾರೆ.
ಇದರಿಂದ ಅಸ್ವಚ್ಛತೆ ಪರಿಸರದಿಂದ ಸಾರ್ವಜನಿಕರಿಗೆ ಆಗುವ ತೊಂದರೆ ನಿವಾರಣೆ ಆಗಿದ್ದು, ಸಾರ್ವಜನಿಕರು ನಗರ ಸೇವಕ ನಿತಿನ್ ಜಾಧವ ಅವರ ಕಾರ್ಯಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ. ಇದೇ ವೇಳೆ ರವಿಕುಮಾರ್ ಪೂಜಾರಿ,
ನಿಖಿಲ್ ಬಚುಲ್ಕರ, ಹಳದನಕರ,
ಮಮತಾ ಪೂಜಾರಿ,
ಅಪ್ರತಿ ಸುರುಟೇಕರ ಮತ್ತಿತರ ನಾಗರಿಕರು ಉಪಸ್ಥಿತರಿದ್ದರು.
ವರದಿ ಪ್ರಕಾಶ ಬಿ ಕೆ.